ЕС мае намер увесці пошліны на шэраг удабрэнняў і сельгаставараў з Беларусі і Расіі

Еўракамісія прапанавала ўвесці пошліны на шэраг азотных удабрэнняў і некаторыя сельгаспрадукты з Беларусі і Расіі.

Адзначаецца, што такія дзеянні нацэлены на паніжэнне залежнасці ад імпарту з нашых краін, бо ён нібыта прадстаўляе пагрозу для харчовай бяспекі ЕС. Пры гэтым удакладняецца, што пошліны Еўрасаюза не распаўсюджваюцца на транзіт сельскагаспадарчай прадукцыі і ўдабрэнняў у трэція краіны.

Таксама адзначаецца, што гэтую прапанову яшчэ трэба будзе разгледзець Еўрапарламенту і Еўрасавету.