ЕС пачынае дыктаваць умовы новаму сірыйскаму ўраду

Еўрасаюз запатрабаваў ад новых сірыйскіх улад "пазбавіцца ад расійскіх ваенных баз". Пра гэта заявіла кіраўнік знешнепалітычнай службы ЕС Кая Калас.

Паводле яе слоў, гэта абавязковая частка для пачатку дыялогу Бруселя з новай уладай у Сірыі. Палітык таксама адзначыла, што ў выпадку пазітыўных крокаў Еўрасаюз разгледзіць варыянт адмены санкцый.

Зрэшты, як паведамляе выданне The National, перамовы Масквы з новым сірыйскім урадам аб захаванні ваенных баз праходзяць у "пазітыўнай атмасферы". Дамаск не мае намер разрываць дамову аб арэндзе порта Тартус, а ў вайскоўцаў на авіябазе Хмеймім "добрыя адносіны" з мясцовымі.