ЕС узмоцніць санкцыйную палітыку супраць Расіі пасля сыходу Венгрыі з пасады старшыні

Еўрасаюз плануе ўзмацніць санкцыйную палітыку ў дачыненні да Расіі пасля сыходу Венгрыі з пасады старшыні Савета ЕС. Напрыканцы года яе зменіць Польшча.

Як паведамляе газета Politico, Варшава ўжо дала зразумець, што "жадае выкарыстаць сваё лідарства ў ЕС для ўзмацнення кантролю над расійскім палівам". А вось прэм'ер Венгрыі Віктар Орбан выкарыстаў старшынства сваёй краіны, каб фактычна спыніць перамовы аб санкцыях.

Зараз ЕС разлічвае на Польшчу, каб ізноў уключыць у парадак вострыя пытанні.