ЕС зніме санкцыі з Сірыі. Але не адразу

Еўрасаюз саслабляе санкцыйную завесу ў дачыненні да Дамаска - з Сірыі паэтапна знімуць абмежаванні.

Брусель спыніў санкцыі ў дачыненні да паветранай, суднаходнай, банкаўскай і энергетычнай інфраструктуры на адзін год. Адзначаецца, здыманне абмежаванняў залежыць ад выканання праў чалавека новай уладай - размова, у прыватнасці, аб правах жанчын, этнічных і рэлігійных меншасцяў. І калі еўрачыноўнікі палічаць, што дамоўленасці ў гэтай сферы не выконваюцца, забароны вернуць.

Новыя ўлады Сірыі не раз прасілі міжнародную супольнасць аб адмене забарон і аб супрацоўніцтве. ЗША ўжо трохі прыслабілі санкцыйны рэжым, дазволіўшы на паўгода транзакцыі з уладамі Сірыі, у тым ліку ў энергетыцы.