Гучны скандал у амерыканскай бальніцы: у Кентукі неплацежаздольных пацыентаў выкінулі на вуліцу

У ЗША скандал разгарэўся ў Кентукі. Тут адна з бальніц выставіла за парог некалькіх пацыентаў, у якіх не аказалася грошай на аплату ўрачэбных паслуг. Няшчасныя ў літаральным сэнсе валяліся на тратуары перад уваходам у бальніцу.

Гісторыя незвычайная нават для Злучаных Штатаў: медпаслугі тут вельмі дарагія, але звычайна гэта пагражае хвораму непасільнымі даўгамі, якія здольныя чалавека спустошыць. Папросту выкінуць хворага на вуліцу - гэта неяк залішне нават для карысталюбных амерыканскіх бальнічных адміністратараў.

Улады расследуюць гэтую гісторыю і, магчыма, вінаватыя адправяцца на некалькі гадоў у турму - успамінаць клятву Гіпакрата.