Ізраіль паведаміў пра ліквідацыю ў Бейруце камандзіра падраздзялення камунікацый руху "Хезбала"

На Блізкім Усходзе працягваюць узрывацца снарады. Армія Ізраіля паведаміла пра ліквідацыю ў Бейруце камандзіра падраздзялення камунікацый руху "Хезбала".

Прэс-служба ЦАХАЛ таксама інфармуе аб знішчэнні тунэля агульнай працягласцю каля 3,5 км на мяжы Сірыі і Лівана. Праз яго, як сцвярджаюць ізраільцяне, пастаўлялася зброя для байцоў "Хезбалы".

Вярхоўны лідар Ірана ўпершыню з 2020 года правёў пятнічную малітву ў Вялікай мячэці ў цэнтры Тэгерана. Пасля яе выступіў са зваротам, у якім назваў нядаўні ракетны ўдар Ірана па Ізраілі мінімальным пакараннем ізраільскаму рэжыму за яго злачынствы.