Ізраіль прыпыніў абмен палоннымі з ХАМАС. Што адбылося?

Улады Ізраіля прыпынілі на час вызваленне палесцінскіх зняволеных у рамках пагаднення па абмене палоннымі з ХАМАС, піша Times of Israel.

Рашэнне было прынята з-за беспарадкаў пры перадачы 3 ізраільскіх заложнікаў у горадзе Хан-Юнісе. Іх правялі недалёка ад развалін дома былога лідара ХАМАС. Вакол сабраўся агрэсіўны натоўп, які гучна выказваў сваю незадаволенасць.

Прэм'ер-міністр Ізраіля Нетаньяху асудзіў такія адносіны да сваіх грамадзян, запатрабаваўшы гарантаваць бяспеку заложнікаў. Згодна з планам, чарговы абмен палоннымі павінен адбыцца сёння. Бакі ўжо абмяняліся спісамі.