Ізраіль знішчыў усё кіраўніцтва "Хезбалы", акрамя аднаго з 17 афіцэраў

Рух "Хезбала" афіцыйна пацвердзіў гібель свайго лідара. Цела апазналі па пярсцёнку.

Ізраіль для ліквідацыі скінуў больш за 80 бомбаў вагой тону кожная. Пра гэта паведамляе партал Ynet. Арганізацыя ХАМАС назвала забойства лідара "Хезбалы" баязлівым тэрарыстычным актам.

У Бейруце людзі выйшлі на вуліцы, каб ушанаваць памяць забітага лідара, яны страляюць у паветра з аўтаматаў.

У ноч на 28 верасня Ізраіль нанёс удар па паўднёвым прыгарадзе сталіцы Лівана, дзе знаходзіўся падземны штаб руху "Хезбала". Згодна з паведамленнямі Міністэрства аховы здароўя краіны, загінулі 11 чалавек, 108 паранены. Ізраіль знішчыў усё кіраўніцтва "Хезбалы", акрамя аднаго з 17 афіцэраў.

Вядома таксама аб новай серыі ўдараў ЦАХАЛ па паўднёва-ўсходняй тэрыторыі Лівана.