Канец канфлікту? Што штурхае Ізраіль да мірнага пагаднення з ХАМАС

Ізраіль на працягу месяца можа заключыць з ХАМАС пагадненне, якое пакладзе канец цяперашняму канфлікту. Па даных СМІ Ізраіля, на перамовах пануе аптымізм і абодва бакі актыўна шукаюць кампрамісы.

Мяркуецца, што ХАМАС вызваліць усіх ізраільскіх заложнікаў, а Тэль-Авіў выпусціць на волю тысячу палесцінцаў з ліку тых, што зараз утрымліваюцца ў турме.

Канфлікт прывёў да пагаршэння эканамічнага становішча ізраільцян

Цалкам верагодна, што Ізраіль прымушае шукаць міру рэзкае пагаршэнне эканамічнай сітуацыі.

У краіне апублікаваны даклад, які сведчыць: грамадзяне імкліва бяднеюць. 30 % ізраільцян жывуць у беднасці, а гэта ні многа ні мала 2 млн 750 тыс. чалавек, 10 % насельніцтва адчуваюць востры дэфіцыт прадуктаў харчавання, гэта значыць жывуць надгаладзь. Прычым за апошні год у беднасць упалі дадатковыя 5 % насельніцтва. Галоўная прычына гэтага, безумоўна, вайна: канфлікт увёў у крызіс знешні гандаль Ізраіля, а таксама нанёс зруйнавальны ўдар па прамысловасці і сельскай гаспадарцы краіны.