Каталонія і Італія пацярпелі ад буйнога граду

На іспанскую Каталонію абрынуўся моцны і неверагодна буйны град: гэты міжземнаморскі рэгіён, дзе стаяць тэмпературы пад 30 градусаў, раптам упрыгожыўся амаль зімовымі краявідамі.

Шчыльны пласт лёду, месцамі таўшчынёй да 5 см, накрыў зямлю ў Барселоне і яе наваколлях. Такія катаклізмы для рэгіёна цалкам нетыповыя ў гэтую пару года: сельскай гаспадарцы Каталоніі нанесены сур'ёзны ўрон.

Аналагічнае бедства абрынулася на італьянскія Ламбардыю і Таскану: град памерам з перапёлчына яйка зафіксаваны ў Мілане.