"Хезбала" выпусціла каля 115 снарадаў па тэрыторыі Ізраіля за суткі

Армія абароны Ізраіля працягвае наносіць удары па тэрыторыі Лівана і сектары Газа.

Паводле інфармацыі ліванскага тэлеканала Al Mayadeen, у палесцінскім анклаве 31 чалавек загінуў гэтай ноччу ў выніку бамбардзіровак ізраільскай авіяцыі. У Ліване колькасць ахвяраў ад атак ЦАХАЛ за суткі дасягнула 24, паранена больш як 90. Ізраільскія знішчальнікі здзейснілі налёт на пагранпераход на поўначы Лівана. Паводле інфармацыі СМІ, самалёты нанеслі ўдары па дарозе, якая ідзе ў Сірыю, у адказ адкрылі агонь сірыйскія сродкі СПА.

У сваю чаргу ЦАХАЛ паведаміў, што "Хезбала" 14 верасня выпусціла каля 115 снарадаў па тэрыторыі Ізраіля. Акрамя таго, атрады руху паразілі ізраільскі ваенны аб'ект ля мяжы з Ліванам. Вайскоўцы ЦАХАЛ таксама трапілі пад абстрэл на ліванскай тэрыторыі.

Тэль-Авіў працягвае абмяркоўваць адказ на ракетную атаку Ірана 1 кастрычніка. Ізраільскі прэм'ер заявіў Беламу дому, што гатовы нанесці ўдар па ваенных аб'ектах Ірана, але не па нафтавых або ядзерных.