Кіеў атрымае ад ЕС транш дапамогі 3,5 млрд еўра

Еўрасавет адобрыў трэці плацеж Кіеву 3,5 млрд еўра грантаў і крэдытаў у рамках украінскага фонду.

Для іх атрымання Украіна рэалізавала 13 неабходных крокаў. Сярод іх былі і рэформы для павелічэння выкарыстання аднаўляльных крыніц энергіі, спрашчэнне працэдур перасячэння мяжы ў адпаведнасці са стандартамі ЕС, прыняцце стратэгіі развіцця сельскай гаспадаркі. З гэтай трэцяй выплатай Украіна атрымае каля 20 млрд у рамках украінскага фонду з моманту яго стварэння год таму.