Колькасць ахвяр працягвае расці: у Іспаніі з-за наймацнейшай паводкі ўжо загінулі 211 чалавек

У Іспаніі працягваецца трохдзённая жалоба. Колькасць ахвяр паводак ужо складае сама меней 211 чалавек, амаль усе  - у Валенсіі. Прапаўшых без вестак - мінімум 250.

На разбор завалаў кінуты дадатковыя сілы вайскоўцаў, далучыліся і тысячы валанцёраў. У рэгіёне ўсё яшчэ застаюцца месцы, куды пакуль не могуць дабрацца ратавальнікі. Гэта самае разбуральнае стыхійнае бедства ў Іспаніі за 50 гадоў.

І пакуль адны кідаюць усе сілы на пошук і выратаванне, другія зацікаўлены нажывай. Пацярпелыя гарады захліснула хваля марадзёрства. Паводле розных звестак, паліцыя ўжо затрымала больш чым 40 злачынцаў, аднак сітуацыя з рабаваннямі толькі пагаршаецца.