Літва будзе паўторна выкарыстоўваць ядзерныя адходы Ігналінскай АЭС?

Літва сур'ёзна разглядае магчымасць паўторнага выкарыстання ядзерных адходаў Ігналінскай АЭС.

Замест захавання, як планавалася раней, у Вільнюсе прапанавалі адпраўляць іх на рэцыклінг. Праўда, у Літвы няма адпаведных тэхналогій. Аднак, як заявіў мясцовы міністр энергетыкі, можна пачакаць, пакуль такія магчымасці не з'явяцца з увядзеннем у эксплуатацыю рэактараў новага пакалення.

Не выключана, што Вільнюс проста зацягвае пытанне з разборам Ігналінскай АЭС, каб выпрасіць дадатковыя сродкі з еўрапейскага бюджэту, бо пасля закрыцця станцыі па патрабаванні Бруселя Літва стала энергадэфіцытнай краінай.