Літва рве прыгранічныя сувязі з Беларуссю

Вільнюс працягвае знішчаць адносіны з Мінскам. Літоўскі Сейм пачаў разгляд ініцыятывы МЗС па дэнансацыі пагаднення з Беларуссю аб малым прыгранічным руху.

Прыбалтыйскія дыпламаты заяўляюць, што падпісаны яшчэ ў 2010 годзе дакумент страціў актуальнасць, паколькі так і не запрацаваў на поўную сілу.

Пагадненне павінна было дазволіць жыхарам прыгранічных зон перасякаць мяжу па спецдазволах і знаходзіцца ў прыгранічнай зоне іншай краіны да 90 дзён на працягу паўгода. Аднак замест таго каб развіваць эканамічныя сувязі і аблягчаць жыццё простым людзям, літоўскія ўлады зноў выбралі шлях узвядзення жалезнай заслоны.