Літва заблакіравала YouTube-каналы беларускіх дзяржаўных СМІ

Блакіроўка Літвой YouTube-каналаў беларускіх дзяржаўных СМІ - гэта недружалюбны крок, накіраваны на абмежаванне доступу літоўцаў да альтэрнатыўнай і праўдзівай інфармацыі, заяўляюць у Міністэрстве інфармацыі Беларусі.

Афіцыйны Bільнюс працягвае скочвацца да палітыкі абмежавання свабоды слова і жорсткай цэнзуры. Інакш цяжка растлумачыць, якую шкоду нацыянальным інтарэсам Літвы магла нанесці, напрыклад, дзіцячая праграма "Калыханка".

Рашэнне Вільнюса, хутчэй, звязана не з нацыянальнымі інтарэсамі, а з выкананнем волі Бруселя. Выдаленыя акаўнты YouTube мелі прамое дачыненне да Белтэлерадыёкампаніі, якая трапіла ў санкцыйны спіс ЕС. Зварот з патрабаваннем заблакіраваць гэтыя каналы Камісія па радыё і тэлебачанні Літвы 17 ліпеня накіравала кампаніі Google і падкантрольнай ёй платформе YouTube.

Усяго выдалена 18 акаўнтаў YouTube, у тым ліку "Беларусь 1", "Беларусь 2", праграм "Фактар.by", ZonaX, некалькіх радыёстанцый.