Літва зноў закрыла КПП на мяжы з Беларуссю

Літоўскія ўлады зноў на няпэўны час закрылі два кантрольна-прапускныя пункты на мяжы з Беларуссю. Гэта ўжо чацвёрты выпадак закрыцця межаў за тыдзень. Пытанне, як доўга будзе дзейнічаць мера, 27 кастрычніка будзе вырашаць урадавая камісія па нацыянальнай бяспецы.

Як падкрэсліваюць у Дзяржпагранкамітэце Беларусі, такімі рашэннямі Вільнюс стварае бязвыхадныя сітуацыі для вадзіцеляў легкавых аўто, якія знаходзяцца падчас закрыцця ў пунктах пропуску. Людзі не разумеюць, як ім дзейнічаць далей. А вось для вадзіцеляў грузавікоў часовае закрыццё звыклае з улікам таго, што літоўцы і так працуюць у 10 разоў больш марудна, чым дазваляюць магчымасці.