Лівію ахапілі беспарадкі - паліцыі не ўдаецца спыніць пагромы

Найбуйнейшыя гарады Лівіі ахоплены беспарадкамі. У Трыпалі і ў другім па велічыні горадзе Місурата запанаваў хаос. Нягледзячы на ўсе намаганні арміі і паліцыі, спыніць рабаванні і пагромы не ўдаецца.

Бунт пачаўся ў той частцы Лівіі, якая кантралюецца праамерыканскім урадам прэм'ер-міністра Абдэля Хаміда Дбейбы. Гэтага палітыка вінавацяць у жаданні аднавіць дыпадносіны з Ізраілем. Зрэшты, гэта толькі падстава. Прычынай хаосу ў заходняй частцы Лівіі з'яўляецца пагаршэнне эканамічнай сітуацыі.

У сваю чаргу ўрад усходняй часткі краіны ў любы момант гатовы пачаць ваенную аперацыю па захопе кантролю над астатнімі рэгіёнамі Лівіі.