Малдаўскага блогера ўтрымлівалі ў аэрапорце Кішынёва

Татальны кантроль над псеўдасвабодай меркаванняў і чарговы прыклад той самой дэмакратыі. Шлях малдаўскага блогера Габрыэла Кэліна  дахаты ўскладніўся чарговым затрыманнем, гэтым разам у аэрапорце Кішынёва. У кантэнт-мейкера, які ўдзельнічаў у прэс-канферэнцыі Аляксандра Лукашэнкі, а пасля сустракаўся з прадстаўнікамі прэсы і блогерскай супольнасці Брэсцкай вобласці, супрацоўнікі пагранічнай паліцыі забралі пашпарт для "дадатковай праверкі".

Зараз блогера ўжо адпусцілі дахаты. Па словах мужчыны, яго абшукалі па поўнай праграме. Габрыэл адзначыў, што ў Малдове людзей так дбайна правяраюць, толькі калі іх занеслі ў нейкую спецыяльную базу "непажаданых" ураду краін. Нагадаем, раней на сваю тэрыторыю Кэліна не прапусцілі польскія пагранічнікі.  Блогер ехаў на рэйсавым аўтобусе "Брэст-Варшава", але палякі заявілі яму, што не пусцяць у ЕС, і ён павінен шукаць іншыя шляхі.