Міжнародны крымінальны суд заклікалі пачаць расследаванне супраць Байдэна і яго каманды

Міжнародны крымінальны суд заклікалі расследаваць садзейнічанне экс-прэзідэнта ЗША ваенным злачынствам у Газе, паведамляе Guardian.

Запыт быў пададзены некамерцыйнай арганізацыяй са Злучаных Штатаў яшчэ ў студзені, але апублікаваны толькі 24 лютага. У дакуменце таксама фігуруюць былы дзяржсакратар ЗША Энтані Блінкен і экс-міністр абароны Лойд Осцін.

У запыце падрабязна апісваецца, як гэтыя службовыя асобы аказвалі ваенную, палітычную і грамадскую падтрымку Ізраілю, спрыяючы злачынствам у Газе. Гэтая падтрымка ўключала амаль 18 млрд долараў у выглядзе паставак зброі, абмену звесткамі разведкі, дапамогі ў вызначэнні цэляў і дыпламатычнай абароны.