Моцны шторм рухаецца на ЗША. Імкліва пусцеюць паліцы магазінаў - змятаецца ўсё

Шторм дзесяцігоддзя. На ўсходняе ўзбярэжжа ЗША насоўваецца снежная бура, якая прынясе наймацнейшыя снегапады, рэкордна нізкія тэмпературы і моцныя парывы ветру.

Шторм можа закрануць больш як 60 млн чалавек і стаць наймацнейшым за апошнія за 10 гадоў. Снегапады ўжо абрынуліся на Кентукі, Канзас і Місуры, а ў многіх штатах быў уведзены рэжым надзвычайнай сітуацыі.

Некалькі тысяч авіярэйсаў было скасавана. У прыгарадзе амерыканскай сталіцы імкліва пусцеюць паліцы прадуктовых магазінаў - змятаюць усё - ад вады да туалетнай паперы.