Мяжу Сірыі з тэрыторыі Лівана перасеклі за суткі больш за 4 тыс. чалавек

Сітуацыя на Блізкім Усходзе застаецца напружанай.

Ізраільскія ВПС нанеслі не менш за шэсць удараў па паўднёвым прыгарадзе Бейрута з мэтай атакаваць аб'екты руху "Хезбала". Паводле слоў відавочцаў, гэта стала першай атакай ЦАХАЛ на горад амаль за тыдзень. Раней на поўдні краіны адзін з удараў знішчыў машыну хуткай дапамогі, у выніку чаго адзін чалавек загінуў і двое атрымалі раненні.

Налёты працягваюцца з канца верасня, у памежных раёнах Лівана Ізраіль праводзіць абмежаваныя наземныя рэйды. Толькі за апошнія суткі мяжу Сірыі з тэрыторыі Лівана перасеклі больш за 4 тыс. чалавек, якія ратаваліся ад бамбардзіровак.

Выбухі грукочуць і ў сектары Газа - па даных тэлеканала "Аль-Джазіра", з-за дзеянняў Арміі абароны Ізраіля напярэдадні загінулі 95 палесцінцаў.

Фота ТАСС