МЗС: Беларусь гатова пазітыўна рэагаваць на магчымыя канструктыўныя крокі з боку Літвы

У Літве падышло да канца чатырохгадовае жорсткае кіраванне кансерватараў-лібералаў. 12 снежня літоўскія парламентарыі зацвердзяць праграму 19-га ўрада, пасля чаго новы Кабінет міністраў на чале з сацыял-дэмакратам Гінтаўтасам Палуцкасам прынясе прысягу ў Сейме і пачне працаваць.

Чаканні ад работы новага ўрада Літвы агучылі сёння ў МЗС Беларусі і падкрэслілі, што сярод новых асоб кабміна ў Вільнюсе ёсць людзі, здольныя па-іншаму зірнуць "на вырашэнне ўнутраных праблем Літвы і яе пазіцыянаванне ў свеце, у тым ліку на адносіны з Беларуссю".

"Мы не саромеемся прызнаваць важнасць для нашых людзей і бізнесу нармальных гандлёва-эканамічных адносін, нармальнага рэжыму перасясчэння мяжы, транзіту, супрацоўніцтва ў іншых практычных галінах з Літвой, - заявіў начальнік упралення інфармацыі і лічбавай дыпламатыі - прэс-сакратар МЗС Беларусі Анатоль Глаз. - Беларусь заўсёды гатова пазітыўна адрэагаваць на любы канструктыўны крок сваіх суседзяў".

Аб гэтым, у прыватнасці, гавораць меры, якія прымае беларускі бок. Напрыклад, бязвізавы рэжым для грамадзян Літвы, Латвіі і Польшчы, які прадоўжыць дзейнічаць і ў наступным годзе.