На Урал вярнулася зіма. Наймацнейшы з пачатку стагоддзя снегапад зафіксавалі ў Пермі

На Урал вярнулася зіма. У Пермі зафіксавалі наймацнейшы з пачатку стагоддзя снегапад - тут выпала 88 % ад месячнай нормы ападкаў. У горадзе другі дзень назіраецца транспартны калапс.

Аўтобусы захрасаюць на дарогах, вуліцы сталі непраходнымі з-за гурбаў. Аэрапорт часова спыняў прыём самалётаў. Снегам таксама засыпае Екацерынбург, Ніжні Тагіл і Чэлябінск.

Акрамя таго, стыхія пакінула без святла амаль 50 тыс. жыхароў Свярдлоўскай вобласці пасля таго, як дрэва ўпала на апору лініі электраперадачы.