Немцы асвісталі Мерца падчас памінальнай службы

Незадаволена сустрэлі Мерца на ўсходзе Германіі ў Магдэбургу. Канцлер ФРГ прыехаў на службу ў памяць аб ахвярах тэракта на калядным рынку. Натоўп асвістаў яго. А ўсё таму, што большасць немцаў абвінавачваюць у тэракце ўрад і звязваюць гэта з няўдалай міграцыйнай палітыкай.

Паводле меркавання мясцовых жыхароў, іншаземцы гадамі прыязджаюць у Германію, парушаюць парадак, а ўлады не прымаюць ніякіх мер.

Нагадаем, у выніку тэракта ў Магдэбургу ў 2024 годзе загінулі 6 чалавек, амаль 300 пацярпелі. Па выніках апошніх апытанняў, больш за 60 % немцаў асцерагаюцца наведваць калядныя лакацыі.