Нетаньяху прапанаваў палесцінцам па 5 млн долараў за кожнага вызваленага заложніка

Ізраіль гатовы заплаціць палесцінцам па 5 млн долараў за кожнага заложніка, вызваленага з рук руху ХАМАС. Аб гэтым заявіў прэм'ер-міністр Нетаньяху падчас паездкі ў сектар Газа.

Біньямін Нетаньяху, прэм'ер-міністр Ізраіля:

"Тым, хто хоча выбрацца з гэтай сітуацыі, я гавару: любому, хто прывядзе нам заложніка, мы дадзім бяспечны выхад. І яму, і яго сям'і. Мы таксама дадзім ўзнагароду ў памеры 5 млн долараў за кожнага выкрадзенага. Выбар за вамі. Вынік у любым выпадку будзе адзін: мы вернем усіх заложнікаў".

Палітык таксама чарговы раз падкрэсліў, што Ізраіль цвёрда мае намер ліквідаваць усе структуры ХАМАС у палесцінскім анклаве. А любы, хто асмеліцца прычыніць шкоду выкрадзеным, заплаціць галавой.