Папярэджанне Фіца: НАТА можа разваліцца на працягу тыдня

НАТА можа разваліцца на працягу тыдня пры вызначаных умовах, упэўнены славацкі прэм'ер Роберт Фіца. Паводле яго слоў, гэта адбудзецца, як толькі Штаты адмовяцца ад фінансавання Паўночнаатлантычнага альянсу і прысутнасці ў Еўропе.

Роберт Фіца, прэм'ер-міністр Славакіі:

"НАТА можа распасціся на працягу тыдня. Калі гаварыць прама: ЗША скажуць, што больш не будуць фінансаваць НАТА, затым заявяць, што іх больш не будзе ў Еўропе. У такім разе павінна з'явіцца новая сістэма бяспекі, яна проста будзе называцца інакш. Гэта ўжо будзе не НАТА, а нешта іншае. Магчыма, некаторыя краіны падумаюць пра нейтралітэт. Ёсць імавернасць распаду міжнародных структур, якія існубць, і я гавару не толькі пра НАТА, але і пра ЕС і іншыя арганізацыі, сапраўды вялікая. Нам трэба нешта рабіць з ААН. Калі не пашырыць склад Савета Бяспекі, калі ён не атрымае больш паўнамоцтваў, гэты праект таксама страціць сваё значэнне".

Як адзначалася раней, палітычныя погляды Фіца рэзка адрозніваюцца ад агульнаеўрапейскіх. Спыненне ваеннай і фінансавай дапамогі Украіне з боку Славацкай Рэспублікі служыць прамым доказам яго прынцыповай пазіцыі.