Перамір'е або паўза? Ізраіль адобрыў пагадненне аб спыненні агню ў Ліване

Паміж Ізраілем і "Хезбалой" дасягнута перамір'е.

У канцылярыі Нетаньяху пацвердзілі, што ваенна-палітычны кабінет большасцю галасоў адобрыў прапанову аб пагадненні. Яно ўлічвае суверэнітэт Лівана, пры гэтым у выпадку зрыву дамоўленасцяў Ізраіль мае права абараняцца.

Біньямін Нетаньяху, прэм'ер-міністр Ізраіля:

"Калі "Хезбала" парушыць пагадненне і паспрабуе пераўзброіцца, мы нанясём удар. Калі яны паспрабуюць аднавіць тэрарыстычную інфраструктуру каля мяжы, мы нанясём удар. Калі яны запусцяць ракеты, пракапаюць тунэлі або прыгоняць грузавікі з ракетамі, мы нанясём удар".

Паводле звестак СМІ, спыненне агню паміж "Хезбалой" і Ізраілем прадугледжвае размяшчэнне ліванскіх сіл уздоўж мяжы. Ізраіль выведзе свае войскі з Паўднёвага Лівана на працягу 60 дзён.