Перамір'ю канец. "Хезбала" і Ізраіль аднавілі жорсткі канфлікт

Перамір'е паміж Ізраілем і "Хезбалой", якое Байдэн збіраўся пакінуць у якасці сваёй галоўнай спадчыны, канчаткова сарванае.

Напярэдадні Тэль-Авіў абвінаваціў арабаў у абстрэле аднаго са сваіх населеных пунктаў і адразу ж атакаваў у адказ ліванскія гарады. У сваю чаргу Бейрут сцвярджае, што ізраільцяне парушалі перамір'е не менш як 55 разоў. Такім чынам цішыня ўздоўж лініі супрацьстаяння прадоўжылася толькі 4 дні. На думку экспертаў, удзельнікі канфлікту рыхтуюцца да хуткай змены адміністрацыі Белага дома, бо Байдэна ўсе ўжо спісалі з рахункаў.

Трамп аб'явіў канфлікт на Блізкім Усходзе сваім знешнепалітычным прыярытэтам. А раз так, удзельнікі супрацьстаяння імкнуцца дабіцца найлепшых перагаворных пазіцый і наносяць адно аднаму максімальна магчымыя страты.