План Трампа па спыненні канфлікту ва Украіне прапануюць у найбліжэйшыя дні

Мірны план па Украіне будзе прапанаваны Вашынгтонам на Мюнхенскай канферэнцыі па бяспецы, якая адбудзецца 14-16 лютага.

Ледзь раней, 12 лютага, прадстаўнік прэзідэнта ЗША Дональда Трампа збярэ міністраў замежных спраў самых уплывовых краін Еўрасаюза, Украіны і вышэйшых чыноўнікаў ЕС для азнаямлення з гэтым мірным планам.

Некаторыя палажэнні ўжо выцеклі ў прэсу: мяркуецца замарожванне баявых дзеянняў па актуальнай лініі сутыкнення войскаў, пры гэтым украінскае членства ў НАТА здымаецца з парадку дня надоўга, калі не назаўжды.

Зрэшты, пагадненне ўсё яшчэ актыўна абмяркоўваецца. Той факт, што Вашынгтон вядзе кансультацыі з Масквой, пацвердзіў прэс-сакратар расійскага прэзідэнта Дзмітрый Пяскоў.