Планы Трампа: у ЗША прыгразілі НАТА адмовай у фінансаванні

Будучы віцэ-прэзідэнт ЗША Джэй ды Вэнс абвясціў, што Вашынгтон адмовіцца фінансаваць НАТА, калі ЕС не пакіне ў супакоі пляцоўку X. Гэта стала адказам на заяву Еўракамісіі, што яны бачаць сваёй задачай эфектыўную цэнзуру сацсетак.

Стала вядома таксама, што будучая адміністрацыя збіраецца выйсці з Парыжскага пагаднення аб клімаце, а таксама гатовая блакаваць Антыпандэмічнае пагадненне СААЗ. Больш за тое, ЗША нават могуць ізноў выйсці з Сусветнай арганізацыі аховы здароўя, як гэта было ў першую кадэнцыю Дональда Трампа.

Адзін з саветнікаў будучага прэзідэнта выказаўся таксама і аб ходзе ўкраінскага канфлікту: ён заявіў, што Кіеву варта забыцца пра Крым і стаць больш рацыянальным у сваіх патрабаваннях. Праўда, гэта выказванне потым было аспрэчана, але аб фармаце абмеркавання планаў Трампа такая заява дае пэўнае ўяленне.