Польшча рыхтуецца збіваць расійскія ракеты

На поўначы Польшчы ў найбліжэйшыя тыдні адкрыецца наземны комплекс пазіцыйнай сістэмы супрацьракетнай абароны "Іджыз Эшор". Пра гэта паведаміў міністр замежных спраў Польшчы.

Ён таксама дадаў: па дамоўленасці з амерыканскімі ўладамі сістэма зможа збіваць не толькі іранскія ракеты, якія ляцяць у бок ЗША, але і расійскія ракеты, што ляцяць у бок Польшчы.

Аб'ект размешчаны каля пасёлка Рэдзікова пад горадам Слупскам. Паводле звестак адкрытых крыніц, будаўніцтва комплексу каштавала ЗША 850 млн долараў.