Польшча стала старшынёй Савета Еўрасаюза

З 1 студзеня Польшча другі раз прыняла на сябе абавязкі старшыні Савета Еўрапейскага саюза - праз 20 гадоў пасля ўступлення краіны ў ЕС.

Ужо было заяўлена аб прыярытэтах новага старшынства. Гэта пытанні бяспекі ўсіх відаў: знешняя, унутраная, інфармацыйная, эканамічная, энергетычная, харчовая і медыцынская.

Акрамя таго, Польшча абяцае працаваць над захаваннем і прасоўваннем прынцыпаў і каштоўнасцяў ЕС, абяцае падтрымку Украіны. Таксама было заяўлена аб намеры "ўзмацняць націск на Расію і яе саюзнікаў".