Пры ўдарах Ізраіля па паўночным усходзе Лівана загінулі 60 чалавек

У выніку авіяўдараў ЦАХАЛ па паўночным усходзе Лівана загінулі 60 чалавек. Атакі былі ўчынены амаль на 20 населеных пунктаў.

Раней ізраільская армія зафіксавала запуск каля 150 ракет рухам "Хезбала" па тэрыторыі яўрэйскай дзяржавы. Са свайго боку групоўка выпусціла камюніке, у якім заявіла аб знішчэнні больш чым 90 ізраільскіх вайскоўцаў з 1 кастрычніка, калі пачалася сухапутная аперацыя ЦАХАЛ у Ліване.

Не сціхаюць выбухі і ў сектары Газа: не менш як 7 палесцінцаў загінулі ў выніку чарговага ўдару ізраільскай арміі па поўначы анклава.

Між тым партал Axios паведамляе аб прапанове дырэктара ЦРУ ўвесці 28-дзённае перамір'е ў сектары Газа, а таксама правесці абмен 8 заложнікаў на дзясяткі палесцінскіх зняволеных.

Як піша The Times of Israel са спасылкай на офіс ізраільскага прэм'ера, Нетаньяху не атрымліваў такаую прапанову, інакш бы прыняў яе.