Пятра Парашэнку абвінавачваюць у дзяржздрадзе

Радыкальныя зрухі ў пытанні аднаўлення міру ва Украіне здарыліся сапраўды ў 10-ю гадавіну заключэння другіх Мінскіх пагадненняў. І ў гэтую ж гадавіну адбыліся раптоўныя перамены ў лёсе аднаго з удзельнікаў падпісання гэтага пагаднення.

Гаворка ідзе пра экс-прэзідэнта Украіны Пятра Парашэнку. У Кіеве Савет нацбяспекі і абароны ўвёў санкцыі ў дачыненні да гэтага палітыка. Паводле даных кіеўскіх СМІ, яго абвінавачваюць у дзяржздрадзе. Перад домам Парашэнкі у вялікай колькасці з'явіліся сілавікі. Выказваюцца здагадкі, што ўжо ў найбліжэйшыя гадзіны ў экс-прэзідэнта пройдуць вобыскі, а яго самога могуць затрымаць.