Сахалін і Хабараўскі край замятае снегам

Сахалін ва ўладзе снежнага цыклону. Таўшчыня снегу месцамі дасягнула паўтара метра. Людзі вымушаны адкопваць праходы да сваіх дамоў.

На пятніцу, 7 лютага, галоўнае ўпраўленне МНС па рэгіёне аб'явіла экстраннае папярэджанне. Некалькі трас часова закрыты. Сіноптыкі прагназуюць месцамі моцны снег, парывы ветру да 23 метраў за секунду і завею. Камунальныя і дарожныя службы яшчэ ў чацвер перавялі ў рэжым павышанай гатоўнасці.

Трэці дзень засыпае і Хабараўскі край. Там закрыты аэрапорты. На дарогах вялікія заторы. Ужо выпала звыш паловы ад лютаўскай нормы ападкаў. Трасы заносіць снегам за лічаныя гадзіны.