СМІ: Ізраіль рыхтуе маштабную наземную аперацыю ў сектары Газа

Здаецца, Тэль-Авіў атрымаў карт-бланш ад Вашынгтона. Як паведамляюць СМІ, Ізраіль рыхтуе маштабную наземную аперацыю ў сектары Газа.

Кіраўніцтва яўрэйскай дзяржавы мяркуе, што захоп і ўтрыманне значнай часткі анклава дазволіць атрымаць канчатковую перамогу над рухам ХАМАС. Пры гэтым журналісты адзначаюць, што Ізраілю прыйдзецца знішчыць сістэму падземных тунэляў і іншыя інфраструктурныя аб'екты руху ХАМАС, на што можа сысці некалькі месяцаў або нават гадоў.

Нагадаем, за час баявых дзеянняў пасля нападу ХАМАС на Ізраіль 7 кастрычніка 2023 года ў сектары Газа ўжо загінулі больш як 50 тыс. чалавек, больш за 113 тыс. атрымалі раненні.