Спорт стаў бліжэй - сучасную шматфункцыянальную сілавую пляцоўку адкрылі ў Шклове

Патрэбныя людзям падарункі атрымліваюць беларусы да 7 Лістапада. Сучасную шматфункцыянальную сілавую пляцоўку адкрылі ў Шклове. Новы спартыўны аб'ект з'явіўся дзякуючы рэспубліканскаму сацыяльнаму праекту Прэзідэнцкага спартклуба "Спорт для ўсіх". Пляцоўка размясцілася ў гарадскім парку - папулярным месцы адпачынку гараджан - і ўяўляе сабою сапраўдную спартыўную залу пад адкрытым небам, дзе можна займацца не толькі вулічнай гімнастыкай, але і іншымі сілавымі відамі спорту і баскетболам.

Трэніравацца на новай пляцоўцы змогуць людзі ўсіх узроставых катэгорый і любога ўзроўню падрыхтоўкі ад пачаткоўцаў і аматараў да прафесійных спартсменаў. Некалькі трэнажораў усталявана і для людзей з абмежаванымі магчымасцямі.