Спроба каляровай рэвалюцыі? У Бялградзе пратэстоўцы блакіравалі буйную транспартную развязку

У Бялградзе масавыя выступленні з удзелам студэнтаў і апазіцыі. Актывісты блакіравалі буйную транспартную развязку. Хваля дэманстрацый ідзе з лістапада - пасля трагедыі на чыгуначным вакзале ў Нові-Садзе ў выніку абрушвання казырка тады загінулі 15 чалавек.

Прэзідэнт Сербіі Вучыч лічыць, што пратэсты фінансуюцца з-за мяжы, гэта спроба справакаваць студэнтаў і арганізаваць каляровую рэвалюцыю. Пакуль, паводле яго слоў, выступленні не праблема, аднак наступіць момант, калі ўлада вымушана будзе рэагаваць. Вучыч таксама выказаў гатоўнасць памілаваць студэнтаў і выкладчыкаў, затрыманых падчас беспарадкаў.