Традыцыйныя каштоўнасці або амаральная прапаганда - у Грузіі стартавалі парламенцкія выбары

У Грузіі стартавалі парламенцкія выбары. Паводле даных ЦВК краіны, працуе больш як 3 тыс. участкаў, з іх 67 знаходзяцца за мяжой. Права голасу маюць 3,5 млн выбаршчыкаў. Усяго ўдзельнічаюць 18 партый. Сярод асноўных прэтэндэнтаў - кіруючая "Грузінская мара" і апазіцыйная кааліцыя.

Дзякуючы электроннай сістэме галасавання, якая ўпершыню будзе задзейнічана, аб першых выніках можна будзе даведацца праз некалькі гадзін пасля таго, як закрыюцца ўчасткі.

У Тбілісі ўжо ўзмацнілі меры бяспекі: каля парламента з'явіліся дадатковыя машыны паліцыі, горад патрулююць сілавікі. Прэм'ер-міністр Іраклій Кабахідзе ўжо аддаў свой голас і заявіў, што грузінскі народ сёння выбірае паміж амаральнай прапагандай і традыцыйнымі каштоўнасцямі, паміж светлай будучыняй і мінулым.

Тым часам ЦВК Малдовы падвёў вынікі рэферэндуму: прыхільнікі еўраінтэграцыі перамаглі з перавагай менш як 1 %. Дзеючы прэзідэнт Майя Санду не бачыць у гэтым праблем і ўжо заявіла, што "працэнты не маюць значэння" і "партнёры нас падтрымаюць на гэтым шляху". Зараз вынікі галасавання павінен зацвердзіць Канстытуцыйны суд.