Трамп аб'явіў аб увядзенні гандлёвых пошлін у дачыненні да шэрагу краін

Трамп даў старт чарговаму этапу тарыфнай вайны. Калі раней ён толькі пагражаў і запрашаў да перамоў, то зараз упершыню былі названыя рэальныя стаўкі пошлін для шэрагу краін: Японія, Паўднёвая Карэя, Казахстан стануць плаціць збор у 25 %, Паўднёва-Афрыканская Рэспубліка, Сербія, Тайланд і Камбоджа - ад 30 да 36 %.

Абарот з гэтымі дзяржавамі параўнальна невялікі, і наўрад ці рост тарыфаў патрасе асновы сусветнай эканомікі. Але сярод пацярпелых ад атакі Трампа Японія: з яе імпарт у Штаты даволі вялікі.

Разам з тым прызначэнне тарыфаў для Еўрасаюза, абарот з якім складае 600 млрд, амерыканскі прэзідэнт адклаў да жніўня.