Трамп падпісаў указ аб санкцыях супраць Міжнароднага крымінальнага суда

Прэзідэнт ЗША падпісаў выканаўчы ўказ аб санкцыях супраць Міжнароднага крымінальнага суда.

Трамп пастанавіў, што любая спроба з боку МКС расследаваць, арыштоўваць, затрымліваць або прыцягваць да адказнасці амерыканскіх грамадзян або саюзнікаў ЗША, уключаючы Ізраіль, уяўляе сабой "пагрозу нацбяспецы і знешняй палітыцы".

Міжнародны крымінальны суд ужо ўступаў у канфлікт з Вашынгтонам. Напрыклад, у 2019 годзе суддзі збіраліся ўзбудзіць справу супраць амерыканскіх вайскоўцаў за дзеянні ў Афганістане. Пасля пагроз Трампа ад гэтай ідэі адмовіліся.

Фота ТАСС