Трамп падпісаў указ аб увядзенні імпартных пошлін у дачыненні дзясяткаў краін

Амерыканскі прэзідэнт падпісаў указ аб увядзенні імпартных пошлін у памеры ад 10 % да 41 % у дачыненні 69 краін, тэрыторый і Еўрасаюза.

Самыя высокія пошліны атрымала Сірыя - 41 %, а таксама Лаос і М'янма - па 40 %. На трэцяй пазіцыі апынулася Швейцарыя. На яе тавары амерыканцы ўводзяць тарыф 39 %. У Берне шакіраваны і выяўляюць поўнае здзіўленне: бо з мая вялі з амерыканцамі даверныя перамовы.

У спісе яшчэ Ірак і Сербія, пошліна супраць якіх складзе 35 %. Рашэнне ўлад ЗША расчаравала Бялград. У найбліжэйшыя дні сербскія ўлады маюць намер прадоўжыць перамовы з Вашынгтонам.

Фота ТАСС