Трамп: У выпадку перамогі Харыс ЗША будуць уцягнутыя ў вайну

ЗША акажуцца ўцягнутымі ў вайну ў выпадку перамогі Камалы Харыс. Такі прагноз зрабіў рэспубліканец Дональд Трамп на чарговым перадвыбарным мітынгу.

Заявы кандыдатаў на вышэйшую пасаду ў Злучаных Штатах становяцца ўсё больш рэзкімі з набліжэннем дня ікс. Так, Харыс вырашыла, што яе сапернік падыходзіць пад азначэнне слова "фашыст".

Трамп адказаў тым, што ўказаў на поўную прафнепрыдатнасць кандыдата ад Дэмакратычнай партыі. Паводле яго слоў, Харыс не зможа засцерагчы амерыканскі народ ад усеагульнага прызыву на вайну.

"Зрабіць яе прэзідэнтам - значыць іграць жыццямі мільёнаў людзей, - заявіў Дональд Трамп. - Яна гарантавана ўцягне нас у трэцюю сусветную вайну, таму што яна вельмі некампетэнтная для гэтай работы. Яна не здольная мець справы з прэзідэнтамі: ні са Старшынёй Кітая Сі, ні з Пуціным, з Кім Чэн Ынам - ні з кім. І тады ўсе вашы сыны і дочкі скончаць тым, што іх прызавуць і адправяць ваяваць у краіну, пра якую вы нават ніколі не чулі. Нашы ворагі смяюцца з нас. Але калі мы пераможам, нашы ворагі больш не будуць смяяцца".