Трамп заклікаў да смяротнай кары для "гвалтаўнікоў, забойцаў і монстраў"

Дональд Трамп заклікаў да смяротнай кары для забойцаў і гвалтаўнікоў.

У сацсетках абраны прэзідэнт ЗША заявіў, што гэта будзе зроблена для таго, каб "абараніць амерыканскія сем'і і дзяцей ад жорсткіх гвалтаўнікоў, забойцаў і монстраў". Ён таксама асудзіў Байдэна, які раней змякчыў пакаранне для 37 прыгавораных да вышэйшай меры, замяніўшы яго на пажыццёвае зняволенне. Па словах Трампа, такое рашэнне не мае ніякага сэнсу.

Зрэшты, у ЗША 27 штатаў і так дапускаюць смяротную кару як форму пакарання. На федэральным узроўні да вышэйшай меры закон дазваляе прыгаварыць больш чым за 40 злачынстваў.