У Абхазіі ўстанавілі пяціметровую ёлку з мандарынаў

Самую смачную навагоднюю ёлку ўстанавілі ў Абхазіі - пяціметровую прыгажуню цалкам зрабілі з мандарынаў.

Афіцыйна яе адкрыюць 3 студзеня ў гонар фестывалю "Мандарын", які праводзяць штогод для турыстаў.

Дарэчы, для стварэння ёлкі запатрабавалася каля дзвюх тон аранжавых цытрусавых. Папярэдні сусветны рэкорд складаў 1,8 метра, абхазская ёлка пераплюнула яго больш як на тры метры.