У Еўрасаюзе плануюць перагледзець Канвенцыю ААН аб статусе бежанцаў

Краіны ЕС патрабуюць перагледзець Канвенцыю ААН аб прасіцелях сховішча, каб спрасціць іх выправаджэнне. Як сцвярджае Times, ініцыятыва належыць Польшчы.

Адзначаецца, што дакумент, прыняты ў 1951 годзе, састарэлы маральна і не адпавядае выклікам часу.

Выданне канстатуе: у Еўропе з цяжкасцю спраўляюцца з патокам мігрантаў. Толькі за 24-ты год краіны ЕС атрымалі больш як мільён прашэнняў аб сховішчы. Пры гэтым незадаволенасць насельніцтва ўмацавала пазіцыі нацыяналістычных і радыкальна-папулісцкіх партый па ўсім Еўрасаюзе.