У Эр-Рыядзе пройдуць перамовы паміж РФ і ЗША па наладжванні кантактаў

18 лютага ў Саудаўскай Аравіі пройдзе сустрэча расійскай і амерыканскай дэлегацый. Абмяркоўвацца будзе перспектыва аднаўлення адносін дзвюх краін, наладжвання кантактаў на самым вышэйшым узроўні, а таксама пытанне магчымага ўрэгулявання ўкраінскага крызісу.

Прадстаўнікі Масквы кіраўнік МЗС Расіі Сяргей Лаўроў і памочнік расійскага прэзідэнта Юрый Ушакоў ужо прыбылі ў Эр-Рыяд. З амерыканскага боку будуць удзельнічаць дзяржсакратар Марка Рубіа, саветнік прэзідэнта ЗША па нацбяспецы Майк Уолц і спецпасланнік кіраўніка Белага дома па Блізкім Усходзе Стыў Уіткаф.

Працэс двухбаковы, прадстаўнікі Кіева да яго не дапушчаны, хоць украінская дэлегацыя таксама прыбыла ў Эр-Рыяд. Заўтра туды ж адправіцца Зяленскі, візіт нібы "планаваўся даўно".