У Хомсе створаны Цэнтр урэгулявання для членаў рэжыму Асада

У Сірыі ствараюць Цэнтр урэгулявання для функцыянераў рэжыму былога прэзідэнта краіны Башара Асада. Усім дзяржслужачым загадана да 14 снежня звярнуцца ў цэнтр у Хомсе для праходжання неабходных фармальнасцяў і атрымання часовых пасведчанняў.

Зараз у шэрагу буйных гарадоў дзейнічае каменданцкая гадзіна, найбуйнейшыя аэрапорты зачынены. Напярэдадні ў Дамаску адкрыліся некаторыя кафэ і магазіны, хоць прадуктаў у продажы не вельмі шмат і яны падаражэлі на 30-50 %. Трохі палепшылася сітуацыя з электразабеспячэннем.

Многія жыхары пакідаюць краіну: на мяжы з Ліванам стаяць чэргі з машын.