У Паўночнай Македоніі аб'явілі жалобу па загінуўшых пры пажары на дыскатэцы

У Паўночнай Македоніі аб'яўлена 7-дзённая жалоба па загінуўшых у выніку пажару ў начным клубе. Як паведаміла мясцовая пракуратура, у рамках расследавання трагедыі затрыманы 10 чалавек, у тым ліку чыноўнікі, якія выдалі ўстанове ліцэнзію.

Паводле апошніх звестак, у выніку пажару загінулі 59 чалавек ва ўзросце ад 14 да 27 гадоў. Яшчэ 155 пацярпелі.

Нагадаем, трагедыя на дыскатэцы ў горадзе Кочані адбылася ў нядзелю. Прычынай узгарання стала, як мяркуецца, выкарыстанне піратэхнічных сродкаў падчас канцэрту. Жалобу па загінуўшых у Паўночнай Македоніі таксама аб'явілі Сербія і Чарнагорыя.